ఇదీ మన రాజ్యాంగ చరిత్ర

1950 జనవరి 26న భారతదేశం సర్వసత్తాక, ప్రజాస్వామ్య, గణతంత్ర రాజ్యం గా అవతరించింది. భారత్ కు స్వాతంత్ర్యం రాక ముందే రాజ్యంగ నిర్మాణ ప్రకియ ప్రారంభం అయింది. దీని కోసం గాను  గాను రాజ్యాంగ సభను ఏర్పాటు చేశారు.

  • రాజ్యాంగ సభలో మొత్తం 389 మంది సభ్యులు ఉన్నారు.
  • శాసనసభల ద్వారా ఎంపికైన వారు 292, భారత్ సంస్థాల నుండి 93 మంది, చీఫ్ కమిషనర్ ప్రావిన్సుల నుండి 4 మొత్తం 389 మంది.
  • దేశవిభజన వల్ల మొత్తం సభ్యుల సంఖ్య 299కి తగ్గింది.
  • రాజ్యాంగ సభ మొదటి సమావేశం పార్లమెంటు సెంట్రల్ హాల్ లో 1946 డిసెంబర్ 9న జరిగింది.
  • ఈ సభకు  డా.సచ్చిదానంద సిన్హా అధ్యక్షత వహించారు.
  • రాజ్యంగ సభలో  జవహర్‌లాల్ నెహ్రూ, మౌలానా అబుల్ కలాం ఆజాద్, సర్దార్ పటేల్,బి.ఆర్.అంబేద్కర్, టంగుటూరి ప్రకాశం పంతులు, పట్టాభి సీతారామయ్య , ఆచార్య జె.బి.కృపలానీ, డా.రాజేంద్ర ప్రసాద్, సరోజినీ నాయుడు, రాజాజీ,  సభ్యులుగా ఉన్నారు.
  • 1947 ఆగష్టు 29 న రాజ్యాంగ సభ ఒక డ్రాఫ్టు కమిటీని ఏర్పాటు చేసింది. డా.బి.ఆర్.అంబేద్కర్ ఈ కమిటీకి అధ్యక్షుడు.
  • రాజ్యాంగ సభ 11 సార్లు, 165 రోజుల పాటు సమావేశమైంది.
  • స్వతంత్ర భారత రాజ్యాంగ నిర్మాణానికి పట్టిన సమయం 2 సంవత్సరాల, 11 నెలల, 18 రోజులు.
  • భారత రాజ్యాంగాన్ని 1949 నవంబర్ 26న సభలో ఆమోదించారు. 1950 జనవరి 24న సభ్యులు ఈ ప్రతిపై సంతకాలు పెట్టారు. మొత్తం 284 మంది సభ్యులు సంతకాలు చేసారు.
  • 1950 జనవరి 26న భారత రాజ్యాంగం అమల్లోకి వచ్చింది. రాజ్యంగ సభ  ఆ రోజున రద్దయినా ఈ సభ్యులు తాత్కాలిక భారత పార్లమెంటు సభ్యులుగా వ్యవహరించారు. 1952లో జరిగిన మొదటి సాధారణ ఎన్నికలు దాకా ఈ పార్లమెంటే అమల్లో ఉంది.

 

Leave a Reply

Your email address will not be published. Required fields are marked *