కన్నడిగులకు కట్టప్ప క్షమాపణలు

ప్రముఖ సినీనటుడు, బాహుబలి చిత్రంలో కట్టప్ప పాత్రధారి సత్యరాజ్ కర్ణాటక ప్రజలకు క్షమాపణ చెప్పారు. కావేరి జల వివాద సమయంలో ఆయన చేసిన వ్యాఖ్యలపై కర్ణాటక ప్రజలు తీవ్ర ఆగ్రహం వ్యక్తం చేశారు. ఈ నేపధ్యంలో బాహుబలి చిత్ర విడుదలను అడ్డుకుంటామంటూ కన్నడ సంఘాలు హెచ్చరికలు చేసిన నేపధ్యంలో సత్యరాజ్ కన్నడిగులకు క్షమాపణలు చెప్పారు. తాను కర్ణాటక రాష్ట్రానికి అక్కడి ప్రజలకు వ్యతిరేకం కాదని పేర్కొన్నారు. తొమ్మిది సంవత్సరాల క్రితం తాను చేసిన వ్యాఖ్యలకు క్షమాపణ చెప్తున్నానని సత్యరాజ్ అన్నారు. తాను కన్నడిగులకు క్షమాపణలు చెప్పినప్పటికీ తమిళ ప్రజల సంక్షేమం కోసం మాట్లాడుతూనే ఉంటానని స్పష్టం చేశారు. అన్ని విషయాల్లో తమిళ ప్రజల వెంటే ఉంటానని దీనికోసం  ఏ త్యాగానికైనా సిద్ధమేనన్నారు. తమిళ ప్రజల కోసం సినిమాల్లో వేషాలు వదలుకోవడానికి కూడా సిద్ధమని ప్రకటించారు.

మరో వైపు సత్యరాజ్ వ్యాఖ్యలకు తమ సినిమాకు ఎటువంటి సంబంధంలేదని బాహుబలి దర్శకుడు ఎస్.ఎస్.రాజమౌళి ప్రకటించిన సంగతి తెలిసిందే. సత్యరాజ్ వ్యాఖ్యలపేరుతో బాహుబలి విడుదలను అడ్డుకుంటామంటూ ప్రకటించడం సమంజసం కాదని రాజమౌళి తన వీడియో సందేశంలో పేర్కొన్నారు. తమ చిత్రవిడుదలకు సహకరించాలని ఆయన అర్థించారు.  సత్యరాజ్ తరపున తాను క్షమాపణ చెప్పిన రాజమౌళి చిత్ర విడుదలకు సహకరించాలని కన్నడ సంఘాలను కోరారు.

తాగాగా సత్యరాజ్ క్షమాపణలు చెప్పడంపై కన్నడ సంఘాలు ఇంకా  స్పందించలేదు. బాహుబలి -2 ఎప్రిల్ 28న విడుదలకు సిద్ధమయింది.

Releated

శ్రీ రామానుజా మిషన్ ట్రస్ట్ ఆరోగ్యహారం – పేద ప్రజలకు గొప్ప వరం

చిత్తూరు జిల్లాలో “ఆరోగ్యహారం” పేరుతో శ్రీ రామానుజా మిషన్ ట్రస్ట్, శ్రీ వరాహ నర్సింహ్మస్వామి అధ్యాత్మ సమాజసేవా ట్రస్ట్ లు సంయుక్తంగా సమగ్ర వైధ్య శిభిరాలను నిర్వహిస్తున్నాయి. జిల్లాలోని మదనపల్లికి సమీపంలోని వి. కొత్తకోట కందుకూరు అగ్రహారం గ్రామంలో ప్రస్తుతం ఈ వైధ్య శిభిరాన్ని ఏర్పాటు చేసినట్టు ట్రస్టు ప్రతినిధిలు ఒక ప్రకటనలో తెలిపారు. తమ సంస్థల ఆధ్వర్యంలో పూర్తిగా సమగ్రంగా గ్రామస్థులకు ఆరోగ్య పరీక్షలను నిర్వహిస్తున్నామని శ్రీ వరాహ నర్సింహ్మస్వామి అధ్యాత్మ సేవా ట్రస్ట్ బాధ్యాలు […]

5న పోలింగ్‌.. 9న ఫలితాలు

బెంగళూరు: కర్ణాటకలోని 15 అసెంబ్లీ స్థానాలకు డిసెంబర్‌ 5న పోలింగ్‌ జరగనుంది. వీటి ఫలితాలు డిసెంబర్‌ 9న విడుదల కానున్నాయి. ఈ మేరకు కేంద్ర ఎన్నికల సంఘం ఆదివారం షెడ్యూల్‌ను విడుదల చేసింది. ఉప ఎన్నికలు జరిగే నియోజకవర్గాల్లో రేపటి నుంచే ఎన్నికల కోడ్‌ అమల్లోకి రానుంది. అయితే అనర్హత వేటుకు గురైన ఎమ్మెల్యేలు అసెంబ్లీ గడువు ముగిసే వరకు ఎన్నికల్లో పోటీ చేయకుండా స్పీకర్‌ నిర్ణయం తీసుకున్న విషయం తెలిసిందే. దీంతో 15 ఎమ్మెల్యేలు సుప్రీంకోర్టు […]