తమిళనాడులో బ్రాహ్మణులకు జరిగిన అవమానంపై ఆగ్రహం

తమిళనాడులో బ్రాహ్మణుల పట్ల తంతై పెరియార్ ద్రవిడ కజగం (టిపీడీకే) వ్యవహరించిన తీరుపై అక్కడి బ్రాహ్మణ సంఘాలు ఆందోళన నిర్వహించాయి. బ్రాహ్మణులను చుట్టుముట్టి వారి జంధ్యాలను తెంపిన ఘటనపై వారు తీవ్ర ఆగ్రహం వ్యక్తం చేస్తున్నారు. వెల్లురు జిల్లాలో పెరియార్ విగ్రహానికి కొంతమంది గుర్తుతెలియని వ్యక్తులు చేసిన అవమానంతో రెచ్చిపోయిన టీపీడీకే కార్యకర్తలు బ్రాహ్మణుల జంధ్యాలను తెంపివేయడం లాంటి తీవ్ర చర్యలకు పాల్పడ్డారు. ఇంతజరుగుతున్నా తమిళనాడు ప్రభుత్వం ఎటువంటి చర్యలు తీసుకోకపోవడం పై బ్రహ్మణ సంఘాలు ఆందోళన వ్యక్తం చేస్తున్నాయి. తమిళనాడులో ప్రభుత్వం పనిచేస్తోందా అని బ్రాహ్మణ సంఘాల ప్రతినిధులు మండిపడ్డారు.
టీపీడీకే కార్యకర్తలు బ్రాహ్మణులపై దాడులకు తెగబడడం ఇదే మొదటిసారికాదని గతంలోనూ ఇటువంటి ఘటనలు జరిగాయాని వారు చెప్పారు. గతంలోనూ బ్రాహ్మల జంధ్యాలను అపవిత్రం చేశారని అటువంటి సంఘాలపై వెంటనే నిషేధం విధించాలని వారు డిమాండ్ చేశారు. వృద్ధ బ్రాహ్మణులపై కూడా అమానుషంగా వ్యవహరిస్తున్న సంఘాపై కటిన చర్యలు తీసుకోవాల్సిందేనన్నారు. తమిళనాడులోని బ్రాహ్మణుల భద్రతకు ముప్పుగా పరిణమిస్తున్న ఘటనపై తక్షం చర్యలు తీసుకోవాలని డిమాండ్ చేశారు. తమిళనాడు ప్రభుత్వం టిపీడీకే కార్యకర్తల విషయంలో ఎందుకు మెతక వైఖరి అవలంభిస్తోందని వారు ప్రశ్నించారు.
తాను ఏ రాజకీయా పార్టీకి చెందిన కార్యకర్తలం కాదని బ్రాహ్మణ సంఘాల ప్రతినిధులు స్పష్టం చేశారు. బీజేపీ నాయకులు చేసిన వ్యాఖ్యలతో గానీ, పెరియార్ విగ్రహానికి జరిగిన అవమానానికి గానీ తమకు సంబందం లేదని వారు తేల్చి చెప్పారు. పెరియార్ విగ్రహానికి జరిగిన అవమానాన్ని కూడా తాము వ్యతిరేకిస్తున్నామని వారు తెలిపారు. తమిళనాడులోని బ్రాహ్మణుల భద్రతకు, ఆత్మగౌరవానికి సంబంధించిన అంశంమని దీన్ని ప్రభుత్వం వెంటనే తీవ్రంగా పరిగణించి చర్యలు తీసుకోవాలని వారు డిమాండ్ చేశారు.

Releated

సుష్మస్వరాజ్ కన్నుమూత

సుష్మాస్వరాజ్ కన్నుమూత…

బీజేపీ సీనియర్ నేత, కేంద్ర మాజీ మంత్రి సుష్మా స్వరాజ్ కన్నుమూశాలు. తీవ్ర గుండెపోటుతో ఆమె చనిపోయారు. 67 సంవత్సరాల సుష్మ గత కొద్ది రోజులుగా అనారోగ్య సమస్యలతో బాధపడుతున్నారు. దీనివల్లే ఆమె పార్లమెంటు ఎన్నికల్లోనూ పోటీ చేయలేదు. సుష్మాకు మంగళవారం రాత్రి గుండెపోటు రావటంతో కుటుంబ సభ్యులు దిల్లీలోని ఎయిమ్స్‌ కు తరలించారు. ఆ వెంటనే ఎమర్జెన్సీ వార్డుకు మార్చారు. చికిత్స అందిస్తుండగానే ఆమె తుదిశ్వాస విడిచారు. ఆమెకు భర్త స్వరాజ్‌ కౌశల్‌, కుమార్తె బన్సురి […]

సుదర్శన యాగం

యాదాద్రిలో భారీ ఎత్తున సుదర్శన యాగం

యాదగిరి గుట్ట దేవాలయ పుననిర్మాణ పనులు శరవేగంగా జరుగుతున్నాయి. దేవాలయాన్ని సర్వాంగ సుందరంగా తీర్చేదిద్దేపనులు తుదిదశకు చేరుకుంటున్నాయి. ఈ క్రమంలోనే త్వరలోనే యాదాద్రిలో మహా సుదర్శన యాగం నిర్వహించాలని ముఖ్యమంత్రి కేసీఆర్ నిర్ణయించారు. ఈ యాగ నిర్వహణకు సంబంధించిన అంశాలను చర్చించేందుకు ముఖ్యమంత్రి శ్రీశ్రీశ్రీ త్రిదండి శ్రీమన్నారాయణ రామానుజ చినజీయర్ స్వామితో ముఖ్యమంత్రి చర్చించారు. యాదాద్రిలో వంద ఎకరాల యజ్ఞవాటికలో 1048 యజ్ఞ కుండాలతో యాగం నిర్వహించాలని నిర్ణయించారు. మూడు వేల మంది రుత్వికులు, మరో 3వేల […]