మరోసారి అధ్వానీ మెడకు బాబ్రీకేసు

వివాదాస్పద బాబ్రీసమసీదు కూల్చివేత కేసులో బీజేపీ అగ్రనేత అధ్వానీ తో పాటుగా 14 మంది నేతలను మళ్లీ విచారించాల్సిందేనని సీబీఐ సుప్రీంకోర్టులో వాదించింది. అధ్వానీ, మురళీ మనోహర్ జోషి, ఉమాభారతి, వినయ్ కతియార్ తో సహా పలువురు బీజేపీ అగ్రనేతలను ఈ కేసు నుండి తప్పిస్తూ లక్నో కోర్టు ఇచ్చిన తీర్పుపై సీపీఐ అభ్యంతరం వ్యక్తం చేసింది. లక్నో ట్రయల్ కోర్టు ఇచ్చిన తీర్పును తిరిగి విచారించాలని సీబీఐ సుప్రీం కోర్టులో వాదించింది. లక్నో ట్రయర్ కోర్టు జరిపిన విచారణలో 195 మంది సాక్షులను విచారించగా మరో 300 మందిని విచారించాల్సి ఉంది. రాయ్ బరేలీ కోర్టు 57 మంది సాక్షులను విచారించగా మరో 100 మందిని విచారించాల్సి ఉంది.  బీజేపీ అగ్రనేత అధ్వానీ, మురళీ మనోహర్ జోషి, ఉమా భారతి, వినయ్ కతియార్ తో పాటుగా 14 మందిపై ఉన్న కుట్రకేసును లక్నో కొర్టు కొట్టివేసింది. కింది కోర్టు తీర్పును అలహాబాద్ హై కోర్టు కూడా సమర్థించడంతో సీబీఐ సుప్రీం కోర్టును ఆశ్రయించింది.

Leave a Reply

Your email address will not be published. Required fields are marked *