పాకిస్థానీ జెర్సీతో కాశ్మీర్ క్రికెట్ జట్టు

జమ్మూ కాశ్మీర్ లోని వర్గాలు పాకిస్థాన్ కు అనుకూలంగా వ్యవహరించడం పరిపాటిగా మారింది. కాశ్మీర్ కు చెందిన చెందిన ఒక క్రికెట్ జట్టు పాకిస్థాన్ ఆటగాళ్లు ధరించే జెర్సీలు ధరించడంతో పాటుగా ఆటకు ముందు పాకిస్థాన్ జాతీయగీతాన్ని ఆలపించడం కలకలం రేపుతోంది. రెండు కాశ్మీరీ జట్ల మధ్య గండేర్ బాల్ జిల్లాలో జరిగిన ఈ మ్యాచ్ లో ఒక జట్టు పాకిస్థానీ జెర్సీ వేసుకుని రాగా మరో జట్టు సాధారణ తెల్ల దుస్తుల్లో వచ్చింది. మ్యాచ్ ముందు పాకిస్థానీ జాతీయ గీతాన్ని ఆలపించారు. మ్యాచ్ కు ముందు గౌరవ సూచకంగా మాత్రమే పాకిస్థానీ జాతీయ గీతాన్ని ఆలపించినట్టు నిర్వహాకులు చెప్తున్నారు. పాకీస్థానీ జెర్సీ ధరించినంది బాబా దర్యా ఉద్ -దిన్ జట్టుగా గుర్తించారు. తాము ఇతర జట్టకంటే భిన్నంగా కనిపించడం కోసం పాకిస్థానీ జెర్సీ ధరించామని జట్టు సభ్యులు చెప్తున్నారు. పైగా తాము చేసింది తప్పేమీ కాదని సమర్థించుంటున్నారు. తమ చర్య సరైందేనని ఇందులో తప్పు పట్టాల్సిందీ ఏమీ లేదని పేరు చెప్పడానికి ఇష్టపడని ఆటగాడు ఒకరు అంటున్నారు.
 

Leave a Reply

Your email address will not be published. Required fields are marked *