సరిహద్దుల్లో భారీ సొరంగం

0
49

పాకిస్థాన్ నుండి భారత్ లోకి ఉన్న భారీ సొరంగాన్ని భారత భద్రతా బలగాలు కనుగొన్నాయి. పాకిస్థాన్ భూబంగం నుండి భారత్ వైపు తవ్విన ఈ సొరంగం 20 మీటర్లకు పైగా పొడవున్నట్టు సరిహద్దు భద్రతా దళం గుర్తించింది. రెండున్నర అడుగుల ఎత్తు, రెండున్నర అడుగల వెడల్పుతో ఉన్న సొరంగాన్ని సాంభా జిల్లాలో గుర్తించినట్టు బీఎస్ఎఫ్ వర్గాలు వెల్లడించాయి. సరిహద్దు భద్రతా దళం నిర్వహించే సాధారణ తనిఖీల్లో ఈ సొరంగం బయటపడిందని బీఎస్ఎఫ్ డిప్యూటీ ఇన్పెక్టర్ జర్నల్ ధర్మేంద్ర వెల్లడించారు. రాంఘర్ సెక్టర్ లో ఈ సొరంగాన్ని తవ్వారని సరిహద్దుల్లో ఉన్న కంచేకు కిందనుండి ఈ సొరంగం భారత భూభాగంలోకి వచ్చిందని ఆయన వెల్లడించారు. ఈ మార్గం గుండా అక్రమంగా పాకిస్థాన్ నుండి భారత్ కు వస్తున్నారని చెప్పారు. తీవ్రవాదులతో పాటుగా అక్రమ వ్యాపారులు కూడా ఈ సొరంగ మార్గాన్ని వినియోగించి ఉంటారని ఆయన అనుమానం వ్యక్తం చేశారు. దీన్ని తవ్వి ఎన్ని రోజులు అయింది, ఎంత మంది ఈ మార్గం గుండా భారత్ లోకి ప్రవేశించారు అనే దానిపై విచారణ జరుగుతోందని ఆయన చెప్పారు. సొరంగ మార్గాన్ని గుర్తించిన వెంటనే దాన్ని మూసివేశామని చెప్పారు. దీన్ని తవ్వి ఎక్కువ రోజులు కాకపోయి ఉండవచ్చని ఆయన అభిప్రాయపడ్డారు.

Wanna Share it with loved ones?

LEAVE A REPLY

Please enter your comment!
Please enter your name here