దేశంలోనే అగ్రగామిగా తెలంగాణ
తమది ప్రజారంగక పాలన అని తమ ప్రభుత్వం పై ప్రజలు అన్ని విధాలుగా సంసృప్తిగా ఉన్నారని రాష్ట్ర మంత్రి కేటీఆర్ అన్నారు. తెలంగాణలో టీఆర్ఎస్ ప్రభుత్వం ఏర్పడి రెండున్నర సంవత్సరాలు పూర్తయిన సందర్భంగా ఆయన వివిధ ప్రసార మాధ్యమాలతో మాట్లాడారు.
- రెండున్నర ఏళ్ల పాలన చాలా సంతృప్తి కరంగా ఉంది.
- కేసీఆర్ నాయకత్వంలో తెలంగాణ రాష్ట్రం దేశంలోనే అగ్రగామిగా నిలుస్తోంది.
- ప్రతిపక్షాల విమర్శల్లో అర్థం లేదు. వారికి ప్రజల మద్దతు లేదనే విషయంలో జీహెచ్ఎంసీతో పాటుగా ఉప ఎన్నికల్లో బయటపడింది.
- లక్ష ఉద్యోగాల కల్పనలో ప్రగతిని సాధించాం. ఇప్పటికే 62వేల ఉద్యోగాల నియమకాలు చేపట్టాం. ప్రైవేటు రంగంలో పెద్ద ఎత్తున ఉపాధి కల్పన జరుగుతోంది.
- అవినీతి రహత తెలంగాణ దిశగా దూసుకుని పోతున్నాం. ప్రభుత్వ కార్యాలయాల్లో అవినీతి గణనీయంగా తగ్గింది. ఆన్ లైన్ వ్యవస్థ వల్ల అవినీతిని అంతం చేస్తున్నాం.
- హైదరాబాద్ ను విశ్వనగరంగా తీర్చిదిద్దుతున్నాం. మెట్రో రైలు 2018 నాటికి పరుగులు పెడుతుంది.
- హైదరాబాద్ రోడ్ల పరిస్థితిని అధ్యాయనం చేస్తున్నాం త్వరలోనే రోడ్ల పరిస్థితి మెరుగవుతుంది.
- హైదరాబాద్ లో మురుగునీటి పారదలపై ప్రత్యేక దృష్టి, చెత్త తరలింపుకు జపాన్ తరహా విధానాన్ని తీసుకుని వస్తున్నాం. ఇప్పటికే జపాన్ ప్రతినిధులతో చర్చలు పూర్తయ్యాయి.
- కొత్త జిల్లాల ఏర్పాటు వల్ల ప్రజలు ఆనందంగా ఉన్నారు. పనులు త్వరిత గతిన పూర్తవుతున్నాయి. రాజకీయ విమర్శలను పట్టించుకోం.
- హైదరాబాద్ తో పాటుగా రాష్ట్రంలోని ఇతర పట్టణాల్లోనూ ఐటి పార్కులు ఏర్పాటు చేసే దిశగా చర్యలు తీసుకుంటున్నాం.